Браніслаў Камароўскі: Украіна вельмі нагадвае Польшчу 20-30 гадоў таму
- 6.05.2015, 14:28
- 27,736
Сённяшняя Украіна вельмі нагадвае Польшчу 20-30 гадовай даўніны, калі палякі казалі аб дэмакратыі і барацьбе з карупцыяй.
Пра гэта заявіў прэзідэнт Польшчы Браніслаў Камароўскі ў інтэрв'ю польскаму выданню Rzeczpospolita, піша "Карэспандэнт".
"Мы гаворым Еўропе: сітуацыя ва Украіне - гэта пытанне нашай бяспекі", - заявіў ён.
Польскі прэзідэнт мяркуе, што сяброўства ў Еўразвязе вучыць таму, што Еўропа складаецца з кампрамісаў. "Мы гаворым Еўропе аб тым, што сітуацыя ва Украіне - гэта наш прыярытэт. Іншыя краіны кажуць, што больш важнай праблемай з'яўляецца эміграцыйная хваля з краін Афрыкі. Мы не можам легкадумна паставіцца да іх асцярог, калі жадаем, каб яны сур'ёзна ўспрынялі нашы. Толькі такім чынам Еўразвяз можа функцыянаваць", - заявіў Камароўскі.
Кажучы аб унутранай сітуацыі ва Украіне, польскі прэзідэнт адзначыў: "На нашых вачах вырастае праеўрапейская Украіна. Той Украіне, якая вырасла на Майдане, блізкія нашы, еўрапейскія каштоўнасці. Я не бачу, каб краіна знаходзілася пад цяжарам нацыяналізму. Гэтая Украіна вельмі нагадвае Польшчу 20 - 30 гадоў таму, калі гаварылася аб дэмакратыі і дзяржаве права, аб барацьбе з карупцыяй. Маё пакаленне таксама думала, што гэта ілюзіі, але мы ўсё гэта атрымалі. З Украінай будзе тое ж самае".
Камароўскі нагадаў, што праблемай застаюцца развітанне з хваравітым мінулым. "Адсутнасць магчымасці дыскусіі з нагоды АУН і УПА забівае польска-ўкраінскі дыялог пра гісторыю. Гісторыя нас дзеліць, але сучаснасць аб'ядноўвае. У сферы інтарэсаў Кіева знаходзіцца вяртанне да дыялогу. Я думаю, што гэты момант наступіць і з'явіцца шанец аб'яднацца", - падкрэсліў кіраўнік Польшчы.