Бел-чырвона-белыя сцягі ў эфіры БТ

На чэмпіянаце свету ў хакеі ў Чэхіі частка беларускіх заўзятараў падтрымлівае каманду нацыянальнай сімволікай.

Пры гэтым бел-чырвона-белых сцягоў так шмат, што яны трапляюць ледзь не ў кожны кадр падчас трансляцыі.

«Наша Нiва» прыводзіць скрыншоты з матчу Беларусь-Данія, які трансляваўся ўчора на канале «Беларусь-1».

Таксама вымушаны на БТ кадр - беларускія заўзятары расцягнулі велізарны банэр «Жыве Беларусь!» і падчас гульні ля брамы ён заўсёды быў на бачным месцы.

Са слоў беларускіх заўзятараў, падчас матчу Беларусь-Данія на трыбунах было больш за дзесяць нацыянальных сцягоў.