Юрый Фельшцінскі: Пуцінская сістэма сама ўвяла сябе ў зону рызыкі

Расея ўваліла на сябе абавязацельствы, пад цяжарам якіх не можа не абваліцца.

Пра гэта ў інтэрв'ю эстонскаму выданню Рostimees заявіў расейска-амерыканскі гісторык Юрый Фельшцінскі, піша gordonua.com.

"У гэтым сэнсе Расея не Францыя і не Украіна. Майдану ў Расеі не будзе; французскай рэвалюцыі - таксама. Расея - краіна аднаго горада. Усё вызначае Масква. Правінцыя заўтра можа хоць пад ваду сысці: не пакажуць аб гэтым па тэлевізары, і канец праблемы. Чакаць, што масквічы згуртаванымі шэрагамі выступяць супраць Пуціна і пачнуць штурмаваць Крэмль і Лубянку, мне здаецца, наіўна. Такога развіцця падзей я не прадбачу", - сказаў ён.

Са слоў Фельшцінскага, малаімаверны і пераварот сілавікоў з мэтай адхілення ад улады расейскага прэзідэнта.

"Безумоўна, сілавікі задаволеныя тым, што адбываецца ў краіне. Гэта цяпер іх краіна. Дзеля гэтага Пуцін, як прадстаўнік ФСБ, захопліваў пасаду прэзідэнта Расеі. Дзеля гэтага захоплівалася ў краіне ўлада, назапашваліся грошы: каб цяпер гэтыя назапашаныя грошы і гэтую сканцэнтраваць у руках ФСБ улада выкарыстоўвала для аднаўлення Расейскай імперыі, якую ўсе будуць баяцца, як калісьці баяліся СССР", - заявіў гісторык.

На ягоную думку, змена рэжымаў у Расеі звычайна адбываецца ў выніку сур'ёзных вонкавых фактараў, напрыклад, вайны. Ваенная агрэсія ў дачыненні да Украіны можа стаць такім фактарам для рэжыму Пуціна, мяркуе Фельшцінскі.

"Калі да сакавіка 2014 г рэжым Пуціна быў стабільны і яму абсалютна нічога не пагражала, то пасля ўварвання ва Украіну пуцінская сістэма сама ўвяла сябе ў зону рызыкі і ўзваліла на сябе абавязацельствы, пад цяжарам якіх не можа не абваліцца. Расея - вельмі слабая краіна: і ў вайсковым плане, і ў палітычным, і ў эканамічным. Ваенныя перамогі тыпу захопу Крыма вельмі часта аказваюцца мімалётнымі ілюзіямі і нарэшце прыводзяць "пераможцаў" да катастроф", - паведаміў ён.