1 ліпеня беларусы застануцца без паштовых паслуг
- 28.06.2016, 11:47
- 4,029
У сувязі з дэнамінацыяй, аддзяленні Белпошты не будуць прымаць плацяжы.
У пятніцу, 1 ліпеня, беларусы застануцца без паштовай сувязі. «Белпошта» папярэджвае пра асаблівасці працы ў сувязі з дэнамінацыяй.
Прэс-служба прадпрыемства інфармуе, што 1 ліпеня «паслугі кліентам у аперацыйных вокнах аддзяленняў паштовай сувязі праводзіцца не будуць». Аднак газеты, часопісы, паштовыя адпраўленні без накладнога плацяжу будуць дастаўляцца грамадзянам.
2 ліпеня аддзяленні паштовай сувязі будуць працаваць у звычайным рэжыме. Адзначаецца, што з 30 чэрвеня да 4 ліпеня магчымыя збоі ў працы банкаўскіх аплатных картак. Таму грамадзянам рэкамендуюць мець пры сабе гатоўку.