Аляксандр Казулін, палітвязень
Былы кандыдат у прэзідэнты Рэспублікі Беларусь Аляксандр Казулін кінуты за краты за арганізацыю акцый пратэсту супраць фальсіфікацыі прэзідэнцкіх выбараў у Дзень Волі 25 сакавіка 2006 года. 13 ліпеня Менскі суд прысудзіў Аляксандра Казуліна да 5,5 гадоў турэмнага зняволення. У турме Аляксандр Казулін абвясціў галадоўку, патрабуючы разгляду беларускага пытання ў Радзе Бяспекі ААН. Палітвязень галадаў 53 дні, страціўшы больш за 40 кілаграмаў вагі і беззваротна падарваўшы здароўе. Мужны палітык дамогся сваёй мэты - прадстаўнік ЗША падняў беларускай пытанне ў Радзе Бяспекі ААН.
23.10.2007
У дзень разгляду закона аб амністыі пройдзе пікет у падтрымку Казуліна
17:02, — Палітыка
24 кастрычніка з 17.00 актывісты Беларускай сацыял-дэмакратычнай партыі (Грамада) правядуць дазволены сталічнымі ўладамі трохгадзінны пікет на пляцоўцы ля цырка Шапіто па вуліцы Арлоўскай у Менску. «Гэта будзе пікет салідарнасці з пазапраўна асуджаным экс-кандыдатам у прэзідэнты Беларусі, кіраўніком нашай партыі Аляксандрам Казуліным», – паведаміў прэс-службе БСДП намеснік старшыні партыі Ігар Рынкевіч.
13.10.2007
Аляксандр Казулін: Прайдзіце Маршам так, каб пачула ўся Еўропа
2
16:09, — Палітыка
«Мне сагравае душу вестка, што людзі добрай волі зноў гатовыя выйсці на маніфестацыю нашага памкнення да дэмакратычных свабодаў і еўрапейскай будучыні Беларусі. Гэта сімвалічна – сабрацца ў сэрцы сталіцы нашай Радзімы і прайсці па галоўным праспекце, каб усяму свету стала зразумела, што Беларусь ідзе да перамогі», – заявіў лідэр Беларускай сацыял-дэмакратычнай партыі (Грамада) Аляксандр Казулін напярэдадні Еўрапейскага Марша ў Менску.
12.10.2007
Сям'я Казуліна звярнулася ў ААН
2
10:50, — Палітыка
У Камітэт ААН па правах чалавека пададзеная скарга з нагоды парушэння правоў экс-кандыдата ў прэзідэнты Беларусі Аляксандра Казуліна. Пра гэта 11 кастрычніка на прэс-канферэнцыі грамадскай камісіі "Свабоду Казуліну і іншым палітвязням" паведаміла дачка А.Казуліна Вольга.
11.10.2007
Казуліну – Нобелеўскую прэмію!
5
13:08, — Палітыка
Валеры Леванеўскі выступіў з грамадзянскай ініцыятывай па вылучэнні ў кандыдаты на Нобелеўскую прэмію міру Аляксандра Казуліна. Былы палітвязень і лідэр прадпрымальнікаў лічыць, што Аляксандр Казулін годны Нобелеўскай прэміі міру, як змагар за свабоду беларускага народа.
9.10.2007
Аляксандр Казулін даслаў ліст з турмы
3
13:32, — Палітыка
6 кастрычніка сям'я палітвязня Аляксандра Казуліна атрымала ліст ад бацькі. Ліст датаваны 2-м кастрычніка. Палітык скардзіцца, што шматлікі допіс да яго не даходзіць, а таксама падтрымлівае дачку, якая нядаўна была звольненая з працы. Прапануем вашай увазе некаторыя вытрымкі з ліста.
28.09.2007
Дачку Казуліна звольнілі з працы
13:07, — Палітыка
Старэйшую дачку палітвязня Аляксандра Казуліна звольнілі з працы. Раней ёй вынесьлі дысцыплінарнае спагнаньне. Вольга Казуліна працавала на прадпрыемстве «Альактив» намесьнікам дырэктара ў прававых і кадравых пытаньнях.
Генпракуратуры ўказалі на незаконнасць пераследу Казуліна
10:37, — Палітыка
Генеральная пракуратура адмовілася разглядаць звароты грамадзян, якія заявілі пра незаконнасць прысуду ў дачыненні экс-кандыдата ў прэзідэнты Аляксандра Казуліна. Яны выказалі падтрымку патрабаванням нагляднай скаргі адваката, якая знаходзіцца на разглядзе ў Генеральнага пракурора Рэспублікі Беларусь Пятра Міклашэвіча. Сярод тых, хто накіраваў звароты, – палітыкі Аляксандр Мілінкевіч, Юры Хадыка, Анатоль Ляўковіч і Анатоль Лябедзька.
