Салігорскія даішнікі адкрылі агонь па «зуху»

Супрацоўнікі ДАІ ўжылі табельную зброю пры прыпыненні Volkswagen Golf у Салігорскім раёне.

Як паведамляе прэс-служба УУС Менаблвыканкама, у ноч з суботы на нядзелю патруль нёс службу каля г. п. Старобін (Салігорскі раён). Каля 03:20 інспектары паспрабавалі спыніць Volkswagen. Аднак кіроўца праігнараваў усе патрабаванні.

Па дадзеных УУС, Volkswagen працягваў рухацца з вялікай хуткасцю і рэзка мяняў траекторыю руху, ствараючы аварыйныя сітуацыі.

Тады было прынятае рашэнне аб ўжыванні зброі, паведамляюць супрацоўнікі міліцыі.

У выніку ў машыне былі пашкоджаныя тры колы, пацярпелых няма. Кіроўца і пасажыр Volkswagen пасля яго прыпынення спрабавалі ўцячы, але былі затрыманыя супрацоўнікамі міліцыі.

Як аказалася пазней, гэтай ноччу ў вёсцы Вялічкавічы яны захапілі дадзены аўтамабіль. Узбуджаная крымінальная справа па артыкуле «Крадзеж». А ў дачыненні да кіроўцы - яшчэ і па артыкуле «Супраціўленне супрацоўніку органаў унутраных спраў або іншай асобе, якоя ахоўвае грамадскі парадак», таксама складзеныя адміністрацыйныя пратаколы за парушэнне ПДР.