Станіслас Ваўрынка ўпершыню перамог у Australian Open
9- 26.01.2014, 16:23
- 3,158
У Мельбурне завяршыўся фінальны матч Адкрытага чэмпіянату Аўстраліі ў тэнісе.
У ім швейцарац Станіслас Ваўрынка здабыў перамогу ў мацнейшага тэнісіста свету, першага нумара сусветнага рэйтынгу іспанца Рафаэля Надаля, піша goals.by.
Ваўрынка, які займае месца ў канцы першай дзесяткі сусветнага рэйтынгу, быў аўтсайдарам у фінальнай гульні. Да таго ж, Надаль напярэдадні ў паўфінале абыграў мацнейшага швейцарскага тэнісіста, экс-першую ракетку свету Роджэра Федэрэра. Тым не менш, цягам практычна ўсяго матчу перавагу меў Ваўрынка. Толькі ў трэцяй партыі іспанец здолеў праявіць свае лідарскія якасці і здабыць сэт. У выніку - 6:3, 6:2, 3:6, 6:3 на карысць швейцарца.
Нагадаем, што напярэдадні ў жаночым фінале выйграла кітаянка На Лі.