Начальніка Светлагорскай ДАІ збіў кіроўца легкавушкі

Учора раніцай на вул Авіяцыйнай у Светлагорску адбыўся пажар у будынку.

Для ліквідацыі ўзгарання накіравалі некалькі машын МНС, якія павінны былі праехаць па гарадскіх вуліцах. Для бесперашкоднага руху ратавальнікаў супрацоўнікі ДАІ арганізавалі дзяжурства на некаторых скрыжаваннях і пераходах. Сярод спецыялістаў апынуўся і начальнік Дзяржаўтаінспекцыі раёна.

Неўзабаве ён стаў удзельнікам ДТЗ. У нейкі момант кіроўца легкавога аўтамабіля (марка ўстаноўленая, стане вядомая пазней) збіў мужчыну.

У прэс-службе ДАІ Гомельскай вобласці ўдакладнілі onliner.by, што начальнік ДАІ знаходзіўся на пешаходным пераходзе і ў выніку сутыкнення атрымаў траўмы. Цяпер ён знаходзіцца ў шпіталі.