Валютны ўклад у банку нельга забраць да 6 студзеня

Нават невялікіх сум у касах банкаў можа не быць.

На тое, каб прывезці патрэбную суму, банкам трэба пяць рабочых дзён.

- Мама замовіла частку свайго ўкладу яшчэ 20 снежня. Сёння ёй ператэлефанавалі і сказалі, што аддаць грошы пакуль не могуць. Маўляў, сітуацыя ў краіне, калядныя канікулы ў замежных банках і гэтак далей. Папрасілі звярнуцца 5 студзеня. І сказалі, што калі купяць валюту раней, то патэлефануюць самі, - распавяла чытачка «Комсомольской правды в Беларуси».

Банкі папярэджваюць сваіх кліентаў: хочаце зняць валютны ўклад - заказвайце яго загадзя. Усё гэта можна зрабіць праз тэлефон, дзесьці трэба прыйсці ў аддзяленне банка з пашпартам. Гэта лепш даведацца ў сваім банку. Дарэчы, многія з іх і зусім прапісваюць неабходнасць такога папярэдняга заказу ў дамове.

Зрэшты, у некаторых банках ёсць ліміты. Дзесьці без папярэдняга заказу можна зняць суму да тысячы даляраў, дзесьці - да 5 тысяч. Звычайна для гэтага дастаткова проста прыйсці ў любое аддзяленне з пашпартам. Але цяпер банкіры не хаваюць: нават невялікіх сум у касах банкаў можа не быць. Таму перад візітам лепш патэлефанаваць у аддзяленне банка і ўдакладніць, ці ёсць там патрэбная вам сума даляраў-еўра, ці можна яе зарэзерваваць або замовіць загадзя.

Тэрмін, за які банк падрыхтуе да выдачы ваш ўклад, складае 5 рабочых дзён (гэта нават прапісана ў Банкаўскім кодэксе). Праўда, зараз з прычыны доўгіх святаў гэты тэрмін сапраўды расцягнецца. Беларусы адпачываюць з 25 па 28 снежня, потым - з 1 па 4 студзеня... Атрымліваецца, калі замовіць свой уклад сёння, то забраць яго сапраўды атрымаецца не раней 5-6 студзеня.