Азаранка засталася чацвёртай ў рэйтынгу WTA
5- 21.04.2014, 21:37
- 6,255
Сёння Жаночая тэнісная асацыяцыя апублікавала рэйтынг самых моцных тэнісістак свету.
Лепшая з беларусак - Вікторыя Азаранка - захоўвае чацвёртую пазіцыю, паведамляе сайт WTA.
У лідэрах рэйтынгу, як і раней, амерыканка Серэна Уільямс, другое месца займае кітаянка Лі На, трэцяе - полька Агнешка Радваньска. Пяцёрку лідэраў замыкае Сымона Халеп з Румыніі.
Іншыя беларускія тэнісісткі займаюць месцы ў другой сотні рэйтынгу. Вольга Гаварцова страціла адну пазіцыю і займае 104 месца. Аляксандра Сасновіч на 149 месцы.