ЗША перасталі выдаваць візы ва ўсім свеце
5- 30.07.2014, 14:24
- 13,034
Афіцыйная прычына - «тэхнічныя непаладкі пашпартна-візавай сістэмы».
Аб гэтым паведамляецца на сайце пасольства ЗША ў Маскве.
«У гэты момант Бюро консульскіх пытанняў Дзяржаўнага Дэпартамента ЗША мае тэхнічныя непаладкі пашпартна-візавай сістэмы, якія паўплывалі на працэс выдачы віз ва ўсім свеце. Гэтая праблема - глабальная і не залежыць ад якой-небудзь пэўнай краіны або візавай катэгорыі. Мы выбачаемся перад заяўнікам за затрымку. Мы вернем Ваш пашпарт з візай, як толькі гэтая праблема будзе ліквідаваная. На жаль, у гэты момант мы не можам паведаміць, колькі часу гэта можа заняць», - гаворыцца ў паведамленні.