Хакеры анансавалі Трэцюю сусветную вайну на сайтах амерыканскіх СМІ

Хакеры ўзламалі акаўнты некалькіх амерыканскіх газет.

Атакавалі сетку мікраблогаў Twitter газеты New York Post і інфармацыйнага агенцтва United Press International, паведамляюць «Падрабязнасці» са спасылкай на Washington Times.

Паводле звестак СМІ, неўзабаве пасля ўзлому у запісе выдання з'явілася паведамленне аб тым, што адна з супрацькарабельных ракет, якія належаць КНР, папала ў амерыканскі звышцяжкі атамны авіяносец USS George Washington.

Неўзабаве пасля гэтага стала таксама вядома пра ўзлом акаўнта United Press International. Адзначаецца, што зламыснікі апублікавалі тыя ж паведамленні, што і ў профілі New York Post, а таксама «заяву» Папы Рымскага Францыска аб пачатку Трэцяй сусветнай вайны.

Нагадаем, што 12 студзеня хакеры ўзламалі твітэр Цэнтральнага камандавання ЗША. Некалькімі днямі раней прарасейская хакерская групоўка КіберБеркут узяла на сябе адказнасць за кібератакі на сайты нямецкай канцлеркі і бундэстага.