Навукоўцы: Апельсінавы сок выявіўся болей карысны за апельсіны
4- 23.01.2015, 18:50
- 13,300
Да такой высновы прыйшлі нямецкія навукоўцы.
Біёлагі Універсітэта Хоэнахайм у нямецкім Штутгарце высветлілі, што біядаступнасць караціноідаў і флаваноідаў у апельсінавым соку значна вышэй, чым у саміх гэтых цытрусавых.
Вынікі іх даследаванняў надрукаваныя ў Journal of Agricultural and Food Chemistry, піша «Новое время».
Для сваёй працы навукоўцы параўналі хімічны склад простага гамагената апельсінаў і таго апельсінавага соку, які з іх атрымліваецца паводле класічнай тэхналогіі (у тым ліку з імгненнай пастэрызацыяй). Храматаграфія паказала, як на розных этапах працэсу змяняецца канцэнтрацыя флаваноідаў, караціноідаў, вітаміну С і шэрагу іншых рэчываў.
Пасля навукоўцы праверылі біядаступнасць - тое, наколькі добра гэтыя рэчывы засвойваюцца арганізмам чалавека.
Атрыманыя звесткі пацвердзілі атрыманыя раней даныя аб тым, што выцісканне соку сур'ёзна памяншае канцэнтрацыю караціноідаў і флаваноідаў (на вітамін С яно амаль не паўплывала), але іх біядаступнасць значна вырасла. Да прыкладу, калі прыняць за 100% колькасць караціноідаў у апельсіне, то з соку чалавек засвоіць з іх блізу 30%. Калі ж ён проста вып'е сок, то адпаведная лічба складзе ўсяго 12 адсоткаў.
Праца закранула толькі вышэйпералічаныя рэчывы, праз што яе нельга пераносіць на іншыя, да прыкладу, на клятчатку або цукар.