Аляксандр Бухвостаў: на 39 з 40 прадпрыемстваў абрынуліся заробкі

Сітуацыя ў беларускай эканоміцы не дрэнная, а вельмі дрэнная.

Амаль штодня прыходзяць навіны аб скарачэнні заробкаў і працоўных тыдняў і роспуск работнікаў на нявызначаны тэрмін. Пра гэта заявіў кіраўнік Свабоднага прафзвязу металістаў Аляксандр Бухвостаў у эфіры праграмы «Гутарка Калінкінай» на тэлеканале «Белсат».

«Прааналізавалі больш за 40 прадпрыемстваў, і толькі на адным невялікім прадпрыемстве заробак за 2014 вырас у параўнанні з папярэднім годам. Усе іншыя знізілі заробкі, у сярэднім, больш чым на 10%», - сказаў ён.

Нагадаем, апошнім часам многія прадпрыемствы пераводзяцца на скарочаны працоўны тыдзень або вымушаюць рабочых пісаць заявы на адпачынкі за свой кошт. Так, толькі на пачатак сакавіка ў рэдакцыю charter97.org паступілі скаргі з такіх прадпрыемстваў як «Гомсельмаш», Асіповіцкі завод аўтамабільных агрэгатаў, Светлагорскі завод жалезабетонных вырабаў, Бабруйскі завод дэталяў і агрэгатаў, «Магілёўтрансмаш», «Строммашына», МТЗ, «Гомельдрэў» , Менскі падшыпнікавы завод, Беларуская чыгунка, ААТ «Віцебскія прадукты» і іншыя.