Расея можа абмежаваць імпарт сухога малака

Пастанова аб абмежаванні імпарту сухога малака ў Расею закране, у выпадку прыняцця, і беларускіх вытворцаў.

Міністэрства сельскай гаспадаркі суседняй краіны можа разгледзець магчымасць абмежавання імпарту сухога малака. Пра гэта заявіў кіраўнік міністэрства Аляксандр Ткачоў на сустрэчы з інвестарамі ў аўторак у Маскве, піша "Інтэрфакс".

"Можна падумаць аб абмежаванні імпарту сухога малака", - сказаў ён, каментуючы скаргі інвестараў на тое, што на малочным рынку нямала фальсіфікаванай прадукцыі.

Беларусь - адзін з найважнейшых пастаўшчыкоў сухога малака ў Расею. У 2015 годзе Менск планаваў паставіць 956 тысяч тон малака і малочнай прадукцыі, тады як у 2014 аб'ём паставак складаў 772 тысяч тон.