Лукашэнка: Добра, што КДБ перанёс цэнтр цяжару на эканамічныя пытанні
12- 8.02.2016, 17:27
- 27,387
Беларускі дыктатар пазітыўна ацаніў дзейнасць КДБ у барацьбе з карупцыяй.
Такую заяву ён зрабіў 8 лютага, прымаючы з дакладам старшыню Камітэта дзяржаўнай бяспекі Валерыя Вакульчыка, паведамляе прэс-служба дыктатара.
Паводле слоў Лукашэнкі, добра, што камітэт перанёс цэнтр цяжару на эканамічныя пытанні, бо для Беларусі гэты кірунак цяпер з'яўляецца вельмі важным. "Іншыя сілавыя структуры значна адстаюць у гэтым плане ад КДБ", - заўважыў ён.
Разам з тым, падкрэсліў дыктатар, прыярытэтная сфера дзейнасці КДБ - гэта выведка і контрвыведка, абарона канстытуцыйнага ладу. "Сёння дзяржаўнасці і бяспецы Беларусі нічога не пагражае, але, аднак, гэтую тэму прэзідэнт мае намер трымаць на кантролі", - адзначаецца ў паведамленні прэс-службы.
Вакульчык даклаў аб існай сітуацыі, а таксама выніках работы ўстановы ў 2015 годзе. "Старшыня КДБ адзначыў, што ўжытыя захады далі магчымасць дасягнуць вынікаў па лініі не толькі выведкі і контрвыведкі, але і абароны эканамічнай бяспекі і барацьбы з карупцыяй, - паведамляе прэс-служба. - Атрымоўваецца выкрываць сістэмныя праблемы дзейнасці розных сфер эканомікі і асобных галін, бачыць рэзервы для павышэння эфектыўнасці работы эканомікі ў тым ці іншым кірунку".