На змену Назарбаеву прагназуюць «калектыўнае кіраўніцтва»

Акрамя таго, ходзяць чуткі пра тое, што сям'я Назарбаевых «рэпатрыюе замежную маёмасць».

У ангельскай газеце Financial Times у блогу «Казахстан пасля Назарбаева: вецер пераменаў нарэшце падзьмуў?» пішуць пра чарговы магчымы сцэнар змены ўлады пасля сыходу дзеючага прэзідэнта Нурсултана Назарбаева. У артыкуле Камілы Хейджланд з аналітычнай арганізацыі Verisk Maplecroft адзначаюць ролю лідарства Нурсултана Назарбаева ў 25 гадах «палітычнай стабільнасці» ў Казахстане, і што перспектыва ягонага сыходу вельмі турбуе інвестараў, паведамляе Радыё Свабода.

Звяртаюць увагу на тое, што «штатныя перастаноўкі ды інвестыцыйная дзейнасць, звязаная з чальцамі сям'і Назарбаева, нароўні з інстытуцыйнымі рэформамі, паказваюць на тое, што падрыхтоўка да ягонай змены можа, нарэшце, адбыцца ў недалёкай будучыні».

«Развіццё падзей паказвае, што разглядаецца фундаментальная змена структуры кіравання ў Казахстане - адыход ад моцнай асобы лідара на вяршыні да больш калектыўнай сістэме лідарства, што прычынілася б да больш складанага палітычнага ландшафта», - піша Financial Times.

Да гэтых штатных перастаноўках адносяць прызначэнне ў 2015 годзе старэйшай дачкі прэзідэнта Дарыгі Назарбаевай на пасаду намесніцы прэм'ер-міністра, а таксама прызначэнне пляменніка прэзідэнта Самата Абіша на пасаду намесніка старшыні камітэта нацыянальнай бяспекі. «Перспектыва далейшага прасоўвання Самата Абіша на пасаду старшыні стала бы сігналам, што пераход непазбежны», - гаворыцца ў артыкуле.

Акрамя таго, ходзяць чуткі пра тое, што сям'я Назарбаевых «рэпатрыюе замежную маёмасць». «Вяртанне маёмасці [ў Казахстан] можна разглядаць як падрыхтоўку да палітычнага перахода. Прыносячы інвестыцыі дадому ў Казахстан, сям'я паказвае сябе як «адказная эліта», якая заахвочвае і шануе эканамічнае развіццё краіны. [... Гэтым] сям'я Назарбаевых таксама паказвае карысны прыклад больш шырокай эліце, якую ўлады заахвочваюць вяртаць інвестыцыі ў Казахстан», - піша Financial Times.

Назарбаеў, хутчэй за ўсё, «выдатна ведае», што ў яго няма відавочных кандыдатаў, каб змяніць яго на пасадзе «лідара нацыі», гаворыцца ў артыкуле. «У выніку гэтага важнасць моцных інстытутаў узрастае ў геаметрычнай прагрэсіі, і ўзнікае пытанне ці мае намер Назарбаеў знайсці сабе пераемніка, ці ён спрабуе здзейсніць пераход да больш калектыўнага стыля праўлення пры падтрымцы моцных інстытутаў. Гэта можа мець для яго дадатковую выгаду ў забеспячэнні будучага клана Назарбаевых шляхам размяшчэння чальцоў сям'і на ключавых пазіцыях і прадухілення патэнцыйнай зваротнай рэакцыі - як з боку эліты, так і насельніцтва, у прызначэнні аднаго пераемніка», - піша Financial Times.