Жазэ Мануэль Барозу: Не ўсё, што я рабіў, было правільна

Былы кіраўнік Еўракамісіі падвёў некаторыя вынікі сваёй працы.

"Пятнiца выдалася сонечнай і цёплай у Бруселі, што рэдкасць у сталіцы Бельгіі ў кастрычніку. Аднак, выходзячы з вялікіх кованых парадных варот свайго дома, трохпавярховага асабняка ў цэнтры раёна Этэрбек, Жазэ Мануэль Барозу выглядаў панура", - апавядае Пітэр Шпігель, карэспандэнт брытанскага выдання Financial Times (пераклад - InoPressa). Газеце была пададзеная эксклюзіўная магчымасць суправаджаць Барозу на працягу ягонага апошняга дня на пасадзе кіраўніка Еўракамісіі.

"Для сыходзячага кіраўніка Еўракамісіі папярэдняя ноч скончылася позна, як і тая, што была перад ёй: ён выступаў у якасці пасярэдніка на перамовах аб пагадненні, якое ў выніку было дасягнутае, паміж Кіевам і Масквой, каб гарантаваць, што пастаўкі газу ва Украіну прадоўжацца гэтай зімой, - вось чаму ён выглядаў стомлена, - тлумачыць аўтар. - Да таго ж ён прачнуўся з разладжаным страўнікам".

"Учора я не еў, - паскардзіўся выданню Барозу. -Я з'еў толькі канапе для расейскай дэлегацыі - не ведаю, што нашыя супрацоўнікі рыхтуюць для рускіх".

За ўвесь час існавання Еўракамісіі, якая зарадзілася больш за 60 гадоў таму ў выглядзе вышэйшага кіруючага органу Еўрапейскага аб'яднання вугалю і сталі, дзесяць гадоў знаходжання Барозу на пасадзе яе кіраўніка былі самымі бурнымі ў гісторыі гэтага інстытута, лічыць выданне. "Барозу не толькі узначаліў урад ЕЗ у перыяд першага сапраўднага экзістэнцыяльнага крызісу аб'яднання - практычнага распаду зоны еўра, - ён таксама быў ініцыятарам так званага "Усходняга партнёрства" - праграмы дапамогі былым савецкім рэспублікам, якая мімаволі справакавала крызіс ва Украіне", - гаворыцца ў артыкуле.

Калі карэспандэнт выдання задаў Барозу пытанне аб перамовах паміж ЕЗ і Украінай у падпісанні пагаднення аб асацыяцыі, "якія некаторыя ў Вашынгтоне ахарактарызавалі як безразважлівую правакацыю Пуціна", тон сыходзячага з пасады партугальскага палітыка стаў эмацыйным.

"Мы выдатна ўсведамлялі ўсе рызыкі, - заявіў ён у інтэрв'ю выданню. - Я некалькі разоў гутарыў з Пуціным, і ён сказаў нам, які важны для яго быў Мытны саюз, Еўразійскі саюз і асаблівае значэнне, якое ён надаваў Украіне. І што, нам трэба было здацца? Нам трэба было б сказаць: "Добра, Уладзімір, Украіна - твая, рабі, што хочаш"? Гэта абсалютна непрымальна".

"Праз ягоную адданасць дэмакратыям Цэнтральнай і Усходняй Еўропы, якія зараджаліся - пазіцыя, сфарміраваная пад моцным уплывам ягонага ўласнага палітычнага станаўлення, калі ён быў маладым актывістам, якія змагаліся з партугальскай дыктатурай, - Барозу запаў у няласку да Пуціна", - гаворыцца ў артыкуле.

"Дыпламатычная тэлеграма з амбасады ЗША ў Маскве, датаваная 2009 годам і апублікаваная WikiLeaks, сцвярджала, што ўжо тады Пуцін лічыў Барозу "траянскім канём" новых чальцоў ЕЗ, і ягоную заяву аб тым, што "сям'я бліжэй, чым сябры", не пераканала Маскву", - гаворыцца ў артыкуле.

У якасці кіраўніка Еўракамісіі Барозу сустракаўся з расейскім прэзідэнтам больш за два тузіны раз, "ён памятае іх першую сустрэчу - вячэра, якая доўжылася каля чатырох гадзін на дачы Пуціна ў прыгарадзе Масквы, падчас якой расейскі лідар ахарактарызаваў ЕЗ і Расею як двух чальцоў каманды хрысціянскіх нацый, якім пагражае замежны тэрарызм", адзначае карэспандэнт. "Адной з першых ягоных фраз, яна была звернутая да мяне, была наступная: "Як нас многа", - пад "намі" ён меў на ўвазе "хрысціян", - распавёў Барозу ў інтэрв'ю. - Пуцін ідэнтыфікуе сябе як хрысціянін, і гэта, вядома, па-еўрапейску; гэта не мусульманскі свет ці Кітай (...), вось чаму я не магу пагадзіцца з тымі, хто малюе яго як выступаючага ў апазіцыі да Еўропы", - прызнаўся выданню партугальская палітык.

"Аднак, як заяўляе Барозу, разумець матывацыю расейскага лідара не значыць яе прымаць: ён сцвярджае, што Пуцін памяняў правілы падчас гульні ў пачатку трэцяга прэзідэнцкага тэрміну", - паведамляе карэспандэнт. "Пуцін змяніўся, і Расея - таксама, - растлумачыў Барозу ў інтэрв'ю. - Расея выступала супраць уваходжання Украіны ў НАТА. Але Пуцін сказаў мне некалькі разоў - так што інфармацыя ў мяне з першых рук, - што ў яго не было б прынцыповых пярэчанняў пры разглядзе сяброўства Украіны ў ЕЗ", - адзначыў былы кіраўнік Еўракамісіі ў гутарцы з выданнем.