Bild: Авіяўдары РФ у Сірыі забілі больш за 65 чалавек, сярод іх дзеці
20- 30.09.2015, 18:38
- 16,989
Паводле звестак сірыйскіх арганізацый, якія назіраюць за выкананнем правоў чалавека, загінула не менш за 27 чалавек.
У выніку расейскіх авіяўдараў у Сірыі ў сераду загінулі дзясяткі людзей, у тым ліку - мірныя жыхары, жанчыны і дзеці. Пра гэта паведамляе Bild са спасылкай на паведамленні мясцовых праваабаронцаў і актывістаў, піша "Украінская праўда".
"Таксама ў правінцыях Хомс ды Ідліб адбыліся цяжкія ўдары па гарадах і вёсках, якія ўтрымліваюцца сірыйскай апазіцыяй. Паводле звестак сірыйскіх арганізацый, якія назіраюць за выкананнем правоў чалавека, загінула не менш як 27 чалавек. Актывісты ў Сірыі паведамляюць пра больш чым 65 загінулых, сярод іх жанчыны і дзеці", - піша выданне.
Выданне адзначае, што баевікоў Ісламскай дзяржавы ў гэтых гарадах няма.
Паводле паведамленняў, расейскія бамбавікі "Сухой" атакавалі гарады групамі з двух ці чатырох самалётаў, іх часта фіксавалі на відэа.
Now we have #Russia|n AF Su-25s ground-attack aircraft in the air.
— Silver Surfer (@RobPulseNews) 30 сентября 2015
Пры гэтым выкарыстоўваліся бомбы і ракеты што былі значна мацнейшыя за тыя, якія выкарыстоўвае армія Башара Асада, адзначае выданне.
First video from Russian army aircraft in #Latakia air base.
#PutinAtWar #Syria pic.twitter.com/m8ByzzP97g
— Julian Röpcke (@JulianRoepcke) 29 сентября 2015
Перад нападамі і падчас іх над гарадамі правінцыі Хомс кружлялі беспілотнікі.
Таксама ў сетцы з'явіліся відэа, на якіх, магчыма, паўстанцы спрабуюць збіць расейскія самалёты падчас атакі.
Нагадаем, у сераду Пуцін атрымаў дазвол ад Савета Федэрацыі на выкарыстанне войскаў у Сірыі. Праз некалькі гадзін пасля гэтага расейская авіяцыя пачала бамбіць сірыйскія гарады, у якіх дзейнічаюць паўстанцы.
У той жа час Мінабароны Расеі заявіла, што змагаецца менавіта з Ісламскай дзяржавай у Сірыі.