«Белавія» рыхтуюць да продажу

План пераўтварэння РУП «Нацыянальная авіякампанія «Белавія» да 1 кастрычніка 2013 года павінен быць прадстаўлены ў Дзяржаўны камітэт па маёмасці.

Пра гэта гаворыцца ў плане работ на бягучы год па пераўтварэнні авіяпрадпрыемстваў у ААТ, які быў апублікаваны на сайце дэпартамента па авіяцыі.

Нагадаем, раней паведамлялася, што Беларусь можа прадаць расейскаму «Аэрафлоту» сваю адзіную авіякампанію «Белавія». Адзначалася, што расейская авіякампанія гатовая ўзмацняць сваю прысутнасць на заходнім напрамку, выціскаючы з рынку беларускага канкурэнта.