Сяргей Міхалок: Супраць нас рыхтавалася аперацыя КДБ

Лідар Brutto распавёў, чаму пераехаў у Кіеў.

Пра гэта Сяргей Міхалок распавёў у інтэрв'ю часопісу Maxim.

«Я вярнуўся жыць у Менск, бо нарадзіўся другі сын Макар, бо ў мяне новы гурт. І якога чорта я наогул павінен бегаць? Я стаміўся бегаць! І здзейсніў галоўную памылку - падумаў, што мяне не будуць чапаць у Беларусі, бо я ўжо не «Ляпіс», а Brutto. А х...йнаны! Увогуле, нашы фанаты ў органах папярэдзілі, што супраць нас праводзіцца аперацыя КДБ, і я цягам дня перабраўся з Менска ў Кіеў. Маглі зладзіць правакацыю. Я ж наркаман, які мог прачнуцца з рэцыдывам у лякарні. Проста маглі падкінуць - маўляў, не справіўся. Не бывае былых алкаголікаў і наркаманаў. Я кожную секунду змагаюся з жаданнем выпіць і спажыць. Але не», - распавёў ён.

Сяргей Міхалок таксама распавёў, як выступаў у Данецку з двума машынамі аўтаматчыкаў.

«Мы ладзілі канцэрт у Данецку, калі дзевяноста пяць адсоткаў каментароў у Інтэрнэце зводзілася да «Прыязджайце, майданаўскія педэрасты, мы вас заб'ём!». І мы прыехалі з двума машынамі аўтаматчыкаў, у нас быў ахоўнік у клубе, і ўсе крычалі «Слава Украіне!» - У Данецку, цэнтры сепаратызму. Калі я спяваю «Забі ў сабе раба!», «Будзь адважным!», «Ідзі наперад!», то чаму я павінен с-ць? Адкуль я ведаю, што будзе ў Марыупалі? Я нармальны чалавек, я таксама баюся за сваё жыццё. Але ў мінулым годзе падчас гастроляў у Расеі небяспекі майму жыццю было больш, чым у Марыупалі. Кожны канцэрт «Ляпісаў» мог скончыцца дрэнна: я сустракаў супрацьдзеянне не толькі ўладаў, але і радыкальна настроеных груп. І на фестывалі «Нашэсце», дзе ўсё было ў сцягах ДНР і «Крым наш», я не спалохаўся і праспяваў «Воіны святла» - гімн Майдана. За намі цікавалі ФСБ, цэнтр «Э» ў барацьбе з моладзевым экстрэмізмам. Хоць пару разоў яны, наадварот, дапамагалі, казалі, што ў Калінінградзе нас хочуць накрыць правыя радыкалы. Мы ж для іх майданутыя, бандэрафашысты», - адзначыў ён.

Міхалок таксама заявіў, што пакуль не плануе наведваць Расею.

«Не, я ў Расею не паеду. Я не ведаю, што такое ўязны ці не. Створанае агрэсіўнае асяроддзе. Дарэчы, для мяне не трэба прыкладаць намаганні дзяржаве - досыць актывістаў. Ужо ёсць сваякі загінулых у ДНР, якія ўпэўненыя, што я спяваў на Майдане за амерыканскія грошы і цяпер прыязджаю ў Расею, пакропленую крывёю расейскіх байцоў. Мне галаву і так праломяць правыя футбольныя фанаты, левыя хардкоры або баязліўцы, якія баяцца ехаць ваяваць, але ходзяць з двума сотнямі шабляў па Самары. Калі на мяне нападуць без шабляў, то двух-трох блазнаў я стукну. А калі з шабляй? Ты наогул бачыў чалавека з шабляй? А ён упэўнены, што я спальваў у Адэсе дзяцей, што гэта рабіў асабіста я... У Цюмені выйшла газета, дзе паведамлялася, што я на Майдане крычаў «Забі рускага, забі жыда!», а потым прыехаў у іх паўночны інтэрнацыянальны горад. Прапаганда і інфармацыйная вайна зрабілі шмат», - сказаў Міхалок.

Кажучы пра будучыню Расеі, Беларусі і Украіны, лідар Brutto мяркуе, што гэтыя краіны не павінны быць братамі, а павінны быць нармальнымі суседзямі.

«Я за сацыялізм скандынаўскага тыпу. Мне падабаюцца ўзаемаадносіны Нарвегіі, Швецыі і Даніі. Вось ты ведаеш прозвішчы іх прэзідэнтаў? Я таксама не. І вось я хачу, каб мы не ведалі прозвішчаў нашых прэзідэнтаў, каб яны былі проста функцыянерамі. Калі мы будзем самастойнымі дзяржавамі, тады будзем па-сапраўднаму сябраваць. Не трэба нас цягнуць у Еўразійскі Саюз, Варшаўскую дамову, СССР зноў будаваць. Імперыя развалілася! Адваліліся кавалкі! Якім трэба быць архітэктарам, каб з разваленых камянёў склеіць зноўку дом? Мы не павінны быць братамі, мы павінны быць нармальнымі суседзямі. Нас цкуюць адзін на аднаго! А я хачу, каб у кожнага было сваё. Мне трэба мая жыццёвая прастора. Еду я ў цягніку ў сваім купэ. Ну зайдзі, пагавары. Пасядзеў, пагаварыў - і ўсё, ідзі адсюль! Не трэба мне: «А давай я тут лягу, вось крыжаванка класная!» Я хачу, каб мы ехалі ў адным вагоне, але ў кожнага было сваё купэ. Тады мы зноў будзем усе любіць адзін аднаго», - заявіў музыка.